Ana səhifə Siyasət Sosial Kriminal Şou 18+ Astrologiya Hadisə İdman Dünya Maraqlı Videolar

Bakıda dostunu bıçaqlayaraq öldürən şəxsə 17 il cəza verildi

Bakıda dostunu bıçaqlayaraq öldürən şəxsə 17 il cəza verildi

Bakı Ağır Cinayətlər Məhkəməsində xuliqanlıq niyyəti ilə qəsdən adam öldürməkdə təqsirləndirilən 1985-ci il təvəllüdlü Kamil Qurbanovun cinayət işi üzrə məhkəmə prosesi başa çatıb.

Belə ki, hakim Mahmud Ağalarovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə K. Qurbanov 17 il 6 ay müddətinə azadlıqdan məhrum edilib.

Xatırladaq ki, hadisə yanvarın 9-da Nizami rayonunda baş verib.

 

1979-cu il təvəllüdlü Səfərov İmran Mustafa oğlunun paytaxtın Nizami rayonu, Qara Qarayev prospektində yerləşən 124 saylı binanın qarşısında Kamil Qurbanov tərəfindən bıçaqlanaraq qətlə yetirilib.

Məlumata görə iki dost məclisdə yeyib-içdikdən sonra aralarında mübahisə yaranıb. Mübahisə zamanı söyüş söyülüb. Kamil Qurbanov üzərində gəzdirdiyi bıçaqla dostunu qətlə yetirib.

Mənbə: Trend