"Bu gün müharibədə qalib gəlmək istəyən hər kəs əvvəlki müharibələrin təcrübəsindən imtina etməlidir".
SHOWNEWS.AZ xəbər verir ki, bu sözlər Fransa nəşri olan "Le Figaro"da qeyd olunub. 44 günlük II Qarabağ savaşından bəhs edilən yazıda deyilir ki:
“Bu gün qələbə üçün əvvəllər gedən müharibə üsullarını unutmaq lazımdır. Gələcəkdə münaqişələrin necə aparılacağını qabaqcadan bizə göstərən Qafqaz müasir müharibə meydanına çevrildi. Dünyada getdikcə daha çox ölkə pilotsuz təyyarələrə üz tutur"
Qəzet münaqişənin əvvəlində Dağlıq Qarabağdakı erməni hərbçilərinin özlərinə çox inamlı olduqlarını, bir neçə gündən sonra havadan gələn təhlükəyə görə qorxu ilə qaçdıqlarını yazır.
"Kamuflyajına baxmayaraq, erməni mövqeləri havadan asanlıqla görülür və onlar PUA-ların asan hədəfinə çevrilirdi. Ermənilərin bu hücumlara müqavimət göstərəcək heç bir şeyi yox idi və milçək kimi ölürdülər”,- deyə qəzet yazır.
Bizim.Media
