“Instagram” dünyaca məşhur amerikalı müğənni Madonnanın şəkillərini sənətçinin səhifəsindən silib.
SHOWNEWS.AZ xəbər verir ki, bu haqda Madonna özünün səhifəsində yazıb və sosial şəbəkənin rəhbərliyini kişi və qadın ayrıseçkiliyi etdiyi üçün rüsvay edib:
“Mənim işçilərim maraqlanıb. Onlara açıqlama veriblər ki, şəkillərdə Madonnanın döşünün giləsi görünür. Bu səbəbdən şəkillər silinib. Demək bu boyda çılpaq qadın bədənində seksual sayılan yalnız onun döşünün ucudur. Qadının arxası çılpaq olsa, olar. Əsas döşün ucu görünməsin. Əgər belədirsə, niyə kişilərin şəkillərində döşün ucu görünür? O da çılpaqdır. Mən illərlə bu cür meyarlara qarşı mübarizə aparmışam. XXI əsrdə hələ də bu davam edir”.
Qeyd edək ki, “Instagram” qanunlarına görə çılpaq qadın şəklini paylaşmaq olar. Lakin döşün ucu görünməməlidir. Yalnız körpəsini əmizdirərkən qadının döşünün ucu görünə bilər. Bu qanun kişilərə aid edilmir.
