Vəziyyəti ağırlaşan Zöhrə Abdullayeva təcili olaraq xəstəxanaya yerləşdirilib.
SHOWNEWS.AZ xəbər verir ki, uğursuz müalicələrdən sonra Əməkdar artist regenerativ tibb və kök hüceyrə uzmanı Sevinc Heydərovaya müraciət edib. Müayinə olunan Zöhrə xanımın diaqnozu məlum olub. Bu haqda Sevinc Heydərova məlumat verib:
“Bu nadir xəstəlikdir. Sistem xəstəliyidir. Bu xəstəlik bütün orqanları zədələyir. İştah tam itir və xəstə yemək yemək istəmir. Xəstəlik sklerodermiya adlanır. Xəstəliyin müalicəsi revmotoloq tərəfindən aparılır. Bununla yanaşı, Zöhrə Abdullayevaya kök hüceyrə müalicəsi də tətbiq ediləcək”. Zöhrə xanım əmindir ki, kök hüceyrə müalicəsi ilə sağalacaq.
Qeyd edək ki, daha əvvəl Z. Abdullayevaya başqa xəstəxanada revmatoid artrit diaqnoz qoyulub və müalicələr də heç bir müsbət təsir göstərməyib.
