Türkiyənin “İmperator” ləqəbli müğənnisi İbrahim Tatlısəs 24 iyunda keçiriləcək parlament seçkilərində deputatlıq üçün namizədliyini irəli sürüb.
SHOWNEWS.AZ xəbər verir ki, 66 yaşlı ifaçı İzmir şəhərindən şansını yoxlayacaq.
Tatlısəsin köməkçisi Şulə Çınlama müvafiq sənədləri Ədalət və İnkişaf Partiyasının (AKP) İzmir nümayəndəliyinə təqdim edib.
Qeyd edək ki, Tatlısəs ötən il İzmirə köçüb və burada yaşamağa başlayıb.
Xatırladaq ki, İbrahim Tatlısəs daha əvvəl 3 dəfə Şanlıurfadan millət vəkilliyi üçün namizədliyini irəli sürüb. Lakin səs toplaya bilməyib.
