Ana səhifə Siyasət Sosial Kriminal Şou 18+ Astrologiya Hadisə İdman Dünya Maraqlı Videolar

"Eurovision"da tamaşaçı iştirakına İCAZƏ VERİLDİ

"Eurovision"da tamaşaçı iştirakına İCAZƏ VERİLDİ

Niderlandın Rotterdam şəhərində keçiriləcək “Eurovision-2021” Beynəlxalq Mahnı Müsabiqəsində tamaşaçıların iştirakına icazə verilib.

Publika.az xəbər verir ki, bu haqda müsabiqənin saytında qeyd edilib.

Niderland Yayım Korporasiyası pandemiya şəraitində kütləvi tədbirlərin təhlükəsiz şəraitdə keçirilməsi prosesini öyrənmək məqsədilə hökumətin bu qərarı verdiyini açıqlayıb.

Altı məşq, iki yarımfinal və finaldan ibarət doqquz şounun hər birində eyni vaxtda 3,5 min nəfər tamaşaçı iştirak edəcək. Lakin zala daxil olmaq üçün onlardan COVID-19 testinin neqativ cavabı tələb olunacaq.

Xatırladaq ki, ötən il koronavirus pandemiyası səbəbilə ləğv edilən “Eurovision” Beynəlxalq Mahnı Müsabiqəsi 18-22 may tarixlərində Rotterdamın “Ahoy” arenasında təşkil ediləcək. Ölkəmizi müsabiqədə müğənni Əfəndi təmsil edəcək.