Bəzi insanlar çevrələrindəki insanlara qarşı əzazil davranışları ilə fərqlənirlər.
Astroloqlar bu xüsusiyyətin insanların hansı bürcə mənsub olmaları ilə bağlı olduğunu qeyd edirlər.
Zalımlıqları ilə məşhurlaşmış 6 bürcü təqdim edirik:
1. Qoç
İstiqanlılıqları ilə fərqlənən qoçlar bu günün işini sabaha buraxmağı sevmirlər. İntiqam almaq məsələsində isə bu bürcün nümayəndələri öz tələskənlikləri ilə seçilirlər. Belə ki, onlar əsəbləşdikdə qəlbləri daşa dönə bilir. Əsəbi olduqları vaxtlarda qoçlar qarşılarındakı şəxslərə zülm etməkdən çəkinmirlər. Həmin vaxtlarda dava salmaqdan özlərini saxlaya bilməyən qoçlar zalımlıq məsələsində ustadırlar.
2. Buğa
Məntiqli davranışları ilə seçilən buğalar tanındıqlarının əksinə heç də məsum deyillər. Zalımlıq məsələsində bu bürcün nümayəndələri qoçlardan heç də geri qalmasalar da, əsəblərini daha rahat cilovlamağı bacarırlar. Lakin səbr kasaları daşdıqda, buğaların məntiqindən əsər-əlamət qalmır. Kin saxlamağa meyilli olan bu bürcün nümayəndələri kinli olduqları şəxslərə qarşı zalımlıqları ilə seçilirlər.
3. Əkizlər
Stabil düşüncəli olsalar da, qərarları dəyişkən olan əkizlər psixopatlıqları ilə digər bürclərdən daha ön pillədə qərarlaşıblar. İnsanların həyatlarını dar etmək məsələsində peşəkar olan əkizlər münaqişə yaşadığı şəxslərə aylarla zülm edə bilərlər. Onlar daha çox "söz qılıncdan kəsərlidir" prinsipi ilə davranaraq hədəf seçdikləri şəxsləri acılamağı sevirlər. Əkizlər hətta digər insanların yanında belə, rəqiblərinə zülm etməkdən çəkinmirlər.
4. Şir
Şirlərin zalımlıqları onların eqoistlikləri ilə sıx bağlıdır. Belə ki, eqolarına xətər yetirən insanları şirlər görməzlikdən gəlirlər. Həmin insan onlar üçün nə qədər dəyərli olsa da, münasibətləri qaydaya salmaq üçün nə qədər cəhd etsə də, şirlər öz zalımlıqlarından imtina etmirlər. Bu bürcün nümayəndələrində hədəf seçdikləri şəxslərlə qul kimi rəftar etmələrinə də tez-tez rast gəlinir.
5. Qız
Qızlar zalımlıqlarını gizlicə həyata keçirmələri ilə fərqlənirlər. Bu bürcün nümayəndələri onları görməzlikdən gələn insanlara qarşı zalımlıqlarını gizli planlar qurmaqla həyata keçirirlər. Qızların zalımlığının hədəfinə çevrilən qurbanlar əksər hallarda başlarına gələn bəlaların mənbəyini tapmaqdan belə aciz qalırlar.
6. Tərəzi
Tərəzilərin zalımlıqları daha çox romantik münasibətlərdə özünü göstərir. Belə ki onların əsas zalımlıq taktikası insanları özlərinə aşiq edib, ilk səhvlərindəcə tərk etməkdən ibarətdir. Lakin onlar əksər hallarda tərk etikləri insanlara da zülm etməyə davam edirlər. Tərəzilər bu özəlliklərindən nadir hallarda olsa belə, dostlarına qarşı da istifadə edirlər.
/// bizim.media
