Rusiyada yaşayan məşhur azərbaycanlı ekstrasens Zirəddin Rzayev Bakıya gəlib.
SHOWNEWS.AZ xəbər verir ki, Milli.az-ın qonağı olan Zirəddin təəccübləndirən proqnozları ilə yadda qalıb.
Ekstrasens ona ünvanlanan "Son bir ili digər illərlə müqayisə etsək, görərik ki, ölkəmizdə zəlzələlərin sayında artım müşahidə edilir. Qarşıda Azərbaycanı hansısa təbii fəlakət gözləyirmi" sualına belə cavab verib:
"2021-2022-ci illər Azərbaycan üçün təhlükəlidir. Təbii fəlakətlər, xüsusən də zəlzələlər və su daşqınları olacaq. Mən əminəm buna! Əmin olmadığım şeyi heç vaxt demirəm. 2021-2022-ci illərdəki zəlzələlərdə fəlakət olacaq".
2021-ci illə bağlı düşüncələrini FAN üzvləri ilə görüşdə bölüşən Zirəddin Rzayev isə bildirib ki, növbəti ildə bizi çox bəlalar gözləyir.
Rzayev iddia edir ki, qarşıdan gələn il “qara 2020”-dən yaxşı olmayacaq və “müharibə ili” olacaq.
