2022-ci ilin son günlərini yaşayırıq. Artıq bir çox insan yeni ildə nə baş verəcəyi ilə maraqlanmağa başlayıb.
Lent.az xarici KİV-ə istinadən xəbər verir ki, əsrlər əvvəl yaşayan kahinlərin 2023-cü il barədə proqnozlar verib.
Uzun illər əvvəl dünyaca məşhur kahinlər 2023-cü il üçün çox da ümidverici olmayan proqnozlar veriblər.
Vanqanın 2023-cü illə bağlı dedikləri çox da ürəkaçan deyil. Vanqa illər əvvəl dünyanın 2023-cü ildə ölümcül günəş fırtınasının hədəfi olacağını proqnozlaşdırıb.
Vanqanın fikirlərinə görə, 2023-cü ildə bioloji silahlar sınaqdan keçiriləcək. O, ad çəkməsə də, bir çox sosial şəbəkə istifadəçisi bu ölkələrin Rusiya, Çin, Şimali Koreya və ya İran ola biləcəyini düşünür. Vanqa gələn ildə Yerin orbitində dəyişiklik olacağını da iddia edib. Bu proqnozu Yerin Günəşə bir az da yaxınlaşması və bunun nəticəsində artan radiasiya və temperaturun böyük fəlakətə səbəb olması kimi şərh edilir.
Vanqa həmçinin 2023-cü ildə normal doğuşun qadağan ediləcəyini və körpələrin laboratoriyada “istehsal ediləcəyini” iddia edib. Onun proqnozlarına görə, hökumət liderləri bütün insan həyatının laboratoriya şəraitində həyata keçirilməsini tələb edəcəklər. Vanqanın 2023-cü il üçün verdiyi bir çox proqnozlar arasında ən diqqət çəkəni potensial nüvə stansiyası partlayışıdır.
Nostradamus 2022-ci il üçün söylədiyi 5 kəhanətdən 4-ü gerçəkləşib. Nostradamusun 2023-cü il barədə kəhanətləri olduqca qorxuludur.
Fransız astroloqu Nostradamus 1555-ci ildə yazdığı kitabında 2023-cü il üçün bəzi proqnozlar verib. Onun fikirlərinə görə, 2023-cü ildə Üçüncü Dünya Müharibəsi baş verəcək.
Məşhur kahinin başqa bir proqnozu, kral sarayının üstündə yanğın olacağı idi. Bu peyğəmbərlik sivilizasiyanın küllərindən yeni dünya düzəninin yaranması kimi şərh edilirdi.
Nostradamus yazıb ki, 2023-cü ildə temperatur daha da yüksələcək və dəniz səviyyəsi gözlənilməz səviyyəyə qalxacaq. Nostradamusun fikrincə, cəmiyyətdəki iğtişaşlar 2023-cü ildə pik həddinə çata bilər. Çünki bütün dünyada həyat şəraiti çətinləşir və qlobal istiləşmə nəzarətdən çıxır.
Nikolas Aujula ABŞ-ın keçmiş prezidenti Donald Trampın seçkidə məğlub olacağını, “Qaraların həyatı önəmlidir” hərəkatının doğulacağını və Parisdəki böyük Notr-Dam kilsəsindəki yanğını proqnozlaşdırıb.
Nikolas 2018-ci ildə dünyanı sarsıdacaq bir epidemiyanın olacağını bildirib. Aujula inanır ki, 2023-cü ildə kral ailəsinin populyarlığı çökəcək və onlar haqqında hər şeyi böyük maraqla oxuyan və izləyən milyonlarla insan onlardan üz döndərəcək. Aujula Böyük Britaniyada Mühafizəkarlar Partiyasında bədbəxtliyin bu il də davam edəcəyini təklif etdi. Onun proqnozlarına görə, Mühafizəkarlar Partiyası iyun və avqust aylarında daha bir böhran yaşayacaq.
