Bu gün günorta saatlarında Bakının Nizami küçəsində bir qrup feminist qadın tərəfindən aksiya keçirməyə cəhd olunub.
SHOWNEWS.AZ xəbər verir ki, "Tarqovı"ya toplaşan iştirakçıların məqsədi qadınlara qarşı zorakılıq edilməsini və qadınların qətlə yetirilməsini pisləmək olub.
Saat 15:00-da “8 Marş - Haqlarımız uğrunda” yürüşünü elan edən qadınların icazəsiz aksiyasının qarşısı polis tərəfindən alınıb, saxlanılanların olduğu bildirilir.
DİN-in Mətbuat xidmətindən bildirilib ki, aksiya zamanı saxlanılan olmayıb:
"Qabaqcadan edilmiş xəbərdarlığa baxmayaraq, aksiya keçirməyə cəhd edən şəxslərin ərazidən uzaqlaşdırılması təmin edilib".
