Allahı yada salmağın bir çox bərəkətləri vardır ki, onlarla tanış olaq:
1. Allah da insanı yada salar. "Buna görə də, Məni yada salın ki, Mən də sizi yada salım". ("Bəqərə" 152).
2. Allahla yoldaş olmaq. O kəs ki, daima Allahı zikr edər, Allah onun yoldaşı olar. Allah Təala buyurur: "Ey Musa! Mən o kəsin yoldaşıyam ki, məni yada salar".
Həzrət Musa (ə) sual verir ki, o gün ki, Sənin pənahından başqa pənah olmaz, kimlər Sənin pənahında olacaqdır?
Buyurur: "Onlar ki, Məni yada salırlar və Mən də onlara yardım edirəm və Mənim yolumda bir-biri ilə dostluq edərlər".
3. Allahın məhəbbəti. O kəs ki, davamlı olaraq Allahı yada salar - İlahi sevgi qəlbində yer alar. Hədislərin birində oxuyuruq: "Hər kim Allahı çoxlu yada salarsa, Allah məhəbbəti qəlbində hakim olar".
4. Doğru yol. Qurani-Kərimin nəzərinə görə, Allahı yada salmaq insanı doğru yoldan ayırmaz. "Ey iman gətirənlər, (düşmən ordusundan olan) bir dəstə ilə qarşılaşarkən möhkəm durun və Allahı (dildə və qəlbdə) çox zikr edin, bəlkə nicat tapdınız". ("Ənfal" 45).
5. Bərəkət artar. O evdə ki, Allah zikr olunar - onun bərəkəti çox olar. O evdə mələklər olarlar və şeytan (lən) o evdən qaçar. Həmin ev səma əhli üçün ulduz kimi parlayar.
6. Hüzur. "O kəsləri ki, iman gətiriblər və qəlbləri Allahı yada salmaqla rahatlıq tapır. Bilin! Qəlblər yalnız Allahı yada salmaqla rahatlıq tapır". ("Rəd" 28).
7. Şeytandan (lən) uzaq olmaq. O kəslər ki, Allahı zikr edərlər - şeytanın vəsvəsələri onlara təsir etməz. Allahı yada salmaq - şeytan qarşısında dayanmaq üçün insana verilən silahdır. "Şübhəsiz, təqvalı olanlara şeytandan bir vəsvəsə yetişsə, (ya qəlblərdə dolanan bir şeytan onların fikirlərinə zərər-ziyan yetirsə, dərhal) (Allahı yadlarına salaraq) özlərinə gələr və onda gözüaçıq olarlar". ("Əraf" 201).
8. Ruhun qidasıdır. İmam Əli (ə) buyurur: "Allah zikrini davamlı etmək - ruhun qidası və nicat açarıdır".
Milli.Az
