Demokrat konqresmenlər Ted Lyu və Ketlin Rays Federal Təhqiqat Bürosunun (FTB) başçısı Kristofer Reyə Corciya ştatının dövlət katibi Bred Raffensperqer ilə söhbətinin səs yazısı yayıldıqdan sonra hazırkı prezident Donald Trampa qarşı cinayət işinin açılması ilə bağlı məktub göndəriblər.
SHOWNEWS.AZ xəbər verir ki, bu barədə T.Lyu özünün "Twitter" hesabında yazıb.
Konqresmenlər hesab edir ki, D.Tramp bir sıra seçki cinayətlərinin törədilməsinə təhrik edib. Məktubda konqresmenlər pozuntularla bağlı ölkə qanunvericiliyindəki xüsusi müddəalara istinad ediblər.
Qeyd edək ki, səs yazısında ABŞ dövlət başçısı D.Tramp Corciyanın dövlət katibinə onun lehinə səsləri yenidən saymağı xahiş edib. //Report
