“Ermənistanın yeni müdafiə naziri çox məsuliyyətsiz açıqlamalar verib”.
SHOWNEWS.AZ xəbər verir ki, bu fikirləri CNN Türk kanalına müsahibəsində Azərbaycan Prezidenti İlham Əliyev söyləyib.
“Yəni, görünür, İkinci Qarabağ savaşı hələ ki, hər kəs üçün dərs olmadı. Əgər belədirsə, biz dərsini yenidən verməyə hazırıq.Ona görə biz ümid edirik ki, Rusiya Ermənistanı silahlandırmayacaq. Çünki buna ehtiyac yoxdur”, - dövlət başçısı qeyd edib.
Prezident Ermənistana xəbərdarlıq da edib:
Ermənistan yeni müharibəyəmi hazırlaşır?! Əgər belədirsə, onda biz qabaqlayıcı tədbirlər görəcəyik. Mən bunu demişdim və bir daha demək istəyirəm, əgər yenə də erməni faşizmi baş qaldırmağa cəhd belə göstərsə, biz onun başını bir daha əzəcəyik. İkinci Qarabağ müharibəsindəki məğlubiyyət onlar üçün dərs olmalıdır.
