Dünyasını dəyişən Xalq artisti Ramiz Novruzla vida mərasimi keçirilir.
OLAY yazır ki, artıq məşhur aktyorun yaxınları Yasamal rayonundakı evinə toplaşır.
Ailəsinin verdiyi məlumata görə, aktyor ötən gün 23:00 radələrində həyatını itirib və teatr ulduzunun dəfn olunacağı məkan dəqiqləşməyib. Hazırda Mədəniyyət Nazirliyi ilə müzakirələr aparılır.
***
Ailəsi vidanın Azərbaycan Dövlət Akademik Milli Dram Teatrında olacağını iddia etsə də, “AzDrama”nın mətbuat xidməti məlumatı təkzib edib. Teatrdan bildirilib ki, yaxın 1 saat ərzində yekun qərar ictimaiyyətə təqdim olunacaq.
***
Akademik Milli Dram Teatrından OLAY-a məlumat verilib ki, vida mərasimi teatrda yox, evində baş tutacaq.
***
Aktyorun nəşi yaşadığı mənzildən alqışlar sədasında yola salındı.
Dilşad Bəhruzqızı
Fotolar: Hüseyn Həsənov
