Əməkdar artist, Azərbaycan Yazıçılar Birliyinin üzvü Elza Seyidcahan yeni şeirini təqdim edib.
Məni yazın, yolunuzu azın.
Məndən yazan qələm lazım.
Mənə yazsaz haram lazım?
Tez ağ sərin, ucunu çərtim,
Dizimi qoyub ağ vərəqə,
Dişimi sıxıb, səsimi səpim.
Üstümüzə çətir çəkin.
Titrədirəm.
Dilləri dillərdən uzun,
Dinləndirin dilləri.
Dillərin rəqsinə yatın.
Ürpədirəm, dil tamaşası,
Dilsiz başda ağıl olmaz.
Başsız dildə nağıl olar.
Dillərimlə dillənirəm.
Gizlənirəm tapın.
İmansız dinlər başarsın,
Dinsiz imanlar boşalsın.
Dil bir yanda, baş bir yanda
Söz qaçanda, tutmayanda,
Oynadın, dartın,
çıxardın,
İyrənirəm atın,
Yeri yalasın, yeri qanasın.
Dil-dil ötən ucu qınasın,
Şerin başın yaralamasın.
Ucla yazsın, canla yatsın,
Başa çatsın.
Sözün arasın açsın, baxsın.,
Dilsiz ilanlar oyansın,
Silkələnsin, tərləsin,
Dil dabanda bastalansın,
Çərt ucunu sancsın,
Döyüntüsü uca qaçsın,
Ucunu qoy, yaz, get.
Söz lazım, dil lazım,
Baş lazım,
Mən lazım.
