ABŞ prezidenti Donald Tramp keçmiş pornoulduz Stormi Danielsə 20 milyon dollarlıq təzminat davası açıb.
Publika.az xəbər verir ki, buna səbəb pornoulduzun Trampla cinsi münasibətlərinin olduğunu iddia etməsidir.
Münaqişədə ilk addımı pornoulduz atıb. O, 2016-cı prezident seçkilərindən öncə Trampla olan münasibəti haqqında heç kimə danışmaması üçün külli miqdarda pul aldığını bildirib. Pornoulduz razılıq müqaviləsinin Tramp tərəfindən imzalanmadığını, dolayısı ilə, müqavilənin hökmsüz olduğunu bəhanə gətirərək ABŞ prezidentini məhkəməyə verib.
Prezidentin vəkilləri isə Stormiyə müqaviləni 20 dəfə pozduğu üçün 20 milyon dollarlıq təzminat davası açıb.
Qeyd edək ki, Tramp haqında çıxan bu iddiaları təkzib edib.
