Aparıcı Şəbnəm Naibli Yeni il və Dünya Azərbaycanlılarının Həmrəylik Günündən öncə şəhid anaları və onların bizə əmanət qoyduqları övladları ilə görüş keçirib.
Bu haqda danışan Ş. Naibli bu görüşü özünə borc bildiyini açıqlayıb:
"İlk dəfə deyil ki, belə bir görüş keçirirəm. Onlarla hər görüşdə, hər söhbətdə dövlətimizin onlara etdiyi qayğını görüb çox sevinirəm. Qürur duyuram. Bəlkə də onların bizim bu yığıncaqlarımıza heç ehtiyacı da yoxdur. Amma onlarla olmağı özümə borc bilirəm. Bu sevgi əvəzolunmaz bir hissdir.
Mütəmadi olaraq şəhid xanımları, övladları və anaları ilə görüşən Şəbnəm Naibli bu görüşləri daha müntəzəm etməyi düşündüyünü açıqlayıb.
