"Ümid edirəm ki, bundan sonra musiqiçilər haqlarını kəsən bəzi müğənnilərə sözlərini deyə biləcəklər. Bu bir dərs oldu, heç birimiz acından ölmədik. İmkan verməyin pulunuzu hansısa müğənni yesin. Özünüzə hörmət edin, əziz zəhmətkeş musiqiçilər".
SHOWNEWS.AZ xəbər verir ki, bu sözləri klarnet ifaçısı Hüseyn Məhəmmədoğlu sosial şəbəkədə yazıb. Musiqiçi həmkarlarına səslənərək müğənniləri təhqir edib:
"Yəqin ki, bu bir dərs olacaq. Musiqiçilər, haqqınızı tələb edin. Hansı müğənni bu günlərdə qapınızı döyüb, balalarınıza 1 kiloqram ərzaq verdi?. Çünki onların 90 faizi şərəfsizdir. Yaxşıları Allah var eləsin".
