"Sevirsə, inanmağı da, inamı da, hörməti də, sevgini də yaşadır və qarşılığını da alır. Qadınlar aşiq olanda gözəl sevirlər. Elə incə və narındır ki, ikinci şans verilərmi, bu müzakirə mövzusudur. Qadına xəyal qırıqlığı yaşadan kişi heç gözləməsin, yoluna baxsın. Əmin olmayan, gedib-qayıtmalı münasibəti oradaca bitirin. Gözəl sevən, sahiblənən, nə istədiyini bilən adamlar var".
Axşam.az xəbər verir ki, bu sözləri müğənni Günel Zeynalova sosial media hesabında yazıb. İfaçı ona sevgi ilə bağlı ünvanan sualları belə cavablayıb:
"İndiki sevgilər saxtadır. O belə bilmir sevib-sevmədiyini. Sənin bilməməyin normaldır. Bu reallıqdır. Mən adam kimi anamı sevən gördüm, oda atamdır. Zatən əmin olsan nə soruşarsan, nə müzakirə edərsən, nə də darlayarsan. Sevmək inanmaqdan başlayır. İnam bitincə "Necə inandım?" deyə sual edərsən. Sevgini, hər şeyi sorğu-sual edirsənsə, hər ikinizə zəhər olar.
Adam dəqiq olmalıdır. Bir-birinizə açıq olun. İlk başlarda necədirsə, elə məsum qalsın. Özünə inanmırsa, karmaya girməsin, münasibətə başlamasın. Nəsə edibsə də bunu adam kimi deyəcək ürəyə sahib olmalıdır. Qorxaq kişiləri sevməyin, xahiş edirəm. Mən əsl sevgi yaşayıram. Qorxan deyiləm. Tutqu, eşq və həsrətlə...".
