İsveçin Malmö şəhərində 68-ci “Avroviziya” mahnı müsabiqəsi birinci yarımfinalı başlayıb.
Birinci yarımfinalda 15 ölkə təmsilçisi yer alacaq.
Onlar Ukrayna, Kipr, Polşa, Serbiya, Litva, Xorvatiya, İrlandiya, Sloveniya, İslandiya, Finlandiya, Portuqaliya, Lüksemburq, Avstraliya, Moldova və Azərbaycandır.
Ölkəmizi yarışmada Fahree və İlkin Dövlətov “Özünlə apar” mahnısı ilə təmsil edəcək. Onlar səhnəyə 12-ci çıxacaqlar.
Qeyd edək ki, ikinci yarımfinal mayın 9-da keçiriləcək. Final isə mayın 11-də olacaq. Finala birbaşa vəsiqə qazanan ölkələr İsveç, Almaniya, Böyük Britaniya, Fransa, İtaliya və İspaniyadır.
