Əməkdar artist Elza Seyidcahan onu tənqid edənlərdən danışıb.
“Qonaqcanlı” proqramında qonaq olan sənətçi ona sosial şəbəkələrdə mənfi rəy yazanlarla bağlı bunları deyib:
“Tənqid üçün ürəyim gedir. Çünki tənqid insanı inkişafa aparır. Ölməz bəstəkarımız Qara Qarayev deyib ki, tənqid edənləri qızıl axtaranlara bənzədir. Tənqidçilər sübut edəcək dərəcədə tənqid etməyi bacarmalıdırlar. Ailə tərbiyəsi, məktəb partası, auditoriya görməyən, əlini, üzünü, dişini yumayan, ayaqqabı görməyib küçələrdə “vyetnamka” ilə gəzən sənə sosial şəbəkədə şərh yazır ki, bunu bəyənmirəm... O, tənqidçi deyil. Musiqimizə, mentalitetimizə təhqirdir. Konservatoriyada musiqiçilər ayrı, tənqidçilər ayrıdır. Tənqidçilərin qarşısında biz hansısa bir əsəri ifa edəndə birinci gözləyirik ki, bizi tənqid etsinlər. Tənqidin əsasında isə biz inkişafa doğru gedirik”.
