“Xalq ulduzu” muğam müsabiqəsinin 2 iştirakçısı - Əməkdar artist Nigar Şabanova və Emil Məmmədov illər sonra duet ifa ediblər.
Sənətçilər “Əfsanəyə döndü” adlı mahnını bu gün bütün sevənlərə və heyranlarına həsr edib. Sevgidən bəhs edən mahnının ekran işində sənətçilər bir-birinə aşiq olan cütlüyü canlandırır. Ravin Əliyevin rejissorluq etdiyi klip 3 fərqli məkanda lentə alınıb.
Diqqətçəkən məqamlardan biri sənətçilərin dənizin ortasında olan görüntüləridir.
Mahnının söz Həsən Babayevə, musiqisi isə İlkin Həsənə aiddir.
