Əməkdar artist Dilarə Əliyevanın qardaşı, tanınmış aktyor Vüsal Murtuzəliyev ötən gün xəstəxanaya yerləşdirilib.
TƏBİB aktyorun səhhəti ilə bağlı açıqlama yayıb. Bildirilib ki, iyunun 19-u saat 14:40 radələrlində 1982-ci il təvəllüdlü şəxs (kişi cinsli) Sumqayıt Tibb Mərkəzinin 2 nömrəli Şəhər Xəstəxanasının Poliklinika şöbəsinə kəskin baş ağrıları, baş gicəllənmə səbəbilə müraciət edib.
Həkim müayinəsindən sonra pasiyentə dəqiqləşdirilməmiş beyindaxili qansızma diaqnozu təyin edilib və müvafiq şöbəyə yerləşdirilib.
Hazırda müalicəsi davam etdirilir, vəziyyəti stabildir.
