Bayramı nəfəs alan hər şeyə qısqanan aşiq bu dəfə onu keçmiş xatirələrinə də qısqanıb.
Belə ki, Bayrama sosial şəbəkədə keçmiş sevgililəri ilə olan bütün paylaşımlarını sildirib. Bundan narahat olan Bayram belə şeyləri anlamadığını bildirib:
“Mən özümü qısqanc biri hesab edirdim. Onu tanıyandan anladım ki, mənimki qısqanclıq deyil. Saçımın teli üzümə düşəndə belə məni öz saçıma qısqanır. Ondan olsa, deyər əlin əlinə dəyməsin. Düzü bu qədər qısqanclıq məni yorur. Özünə də demişəm. Hər dəfə deyir daha qısqanmayacağam. Hələ əvvəllər Azərbaycanda olmayanda kameranı qoşub yuxuya gedənə kimi mənə baxırdı ki, yatdım ya yox. İndi bir az düzəlib. Demişəm belə şeyləri yığışdır”.
Bayram sevgilisi ilə Azərbaycandan köçmək istəsə də, Qaxdan uzaqda yaşaya bilmədiyi üçün köçmək planının üstündən xətt çəkib. #bayramnurlu
