Məşhur müğənni Cennifer Lopez eks-həyat yoldaşı Ben Affleklə boşanmasından danışıb.
Axşam.az-ın məlumatına görə, bu barədə "Morday News"a açıqlama verən sənətçi boşanmağın aldığı ən yaxşı qərar olduğunu vurğulayıb:
"Boşanmaq başıma gələn ən yaxşı şeydir. Çünki bu, məni dəyişdirdi. Ayrılıq son nəticədə özümü daha dərindən anlamağa kömək etdi. Bu dəyişiklikdən daha çox böyümək idi. Mənim böyüməyə ehtiyacım var idi. İndi ötən ilkindən tamamilə fərqli bir insanam. Bu yay həyatımın ən yaxşı vaxtlarını keçirdim və inanılmaz əyləndim. İndi həyatdan daha çox həzz ala və xoşbəxtliyi hiss edə bilirəm.
Həqiqətən çətin vaxtlar idi. Lakin həmin günlər bir dərsdir, bunu başa düşməlisən. Bunu anlayanda hər şey yüngülləşir və sən həqiqətən buludların üzərində uça bilərsən. Bu mənim başıma gəlməsəydi, başa düşməzdim".
Qeyd edək ki, Cennifer Lopez dörd dəfə ailə qurub. O, bu ilin yanvarında aktyor Ben Afflekdən boşanıb.
