Günel Ələkbərova mənzil hədiyyəsi ilə bağlı yayılan xəbərlərə münasibət bildirdi
Müğənni Günel Ələkbərova son günlər sosial şəbəkələrdə onun bir millət vəkili tərəfindən mənzillə hədiyyələndirilməsi ilə bağlı yayılan sensasiyalı xəbərlərə açıqlama verib.
Sənətçi məsələ ilə bağlı konkret cavab verməsə də, hədiyyəyə layiq olduğunu bildirib. Günel bu barədə “Öz aramızda” verilişində danışıb:
“Elə mənə verilməlidir də hədiyyə. Anqavitalara bina verirlər. Gözəl-göyçək qızam. Niyə verməsinlər? Kim nə niyyətlə veribsə, Allah qəbul eləsin”.
Qeyd edək ki, sosial şəbəkələrdə bir millət vəkilinin Günel Ələkbərovaya yaşayış komplekslərindən birində mənzil hədiyyə etməsi ilə bağlı müxtəlif iddialar yayılıb. Məsələ geniş müzakirələrə səbəb olub.
