Müğənni Xatun Əliyeva 8 Mart – Beynəlxalq Qadınlar Günü münasibətilə yeni fotosessiya etdirib.
Sənətçi bayram əhval-ruhiyyəsini əks etdirən xüsusi konsept seçib. Fotosessiyada Xatun baharın rəmzi sayılan çəhrayı lalələrdən hazırlanmış qeyri-adi obrazla kamera qarşısına keçib. Güllərdən hazırlanmış kompozisiya və zərif çəhrayı tonlar layihəyə romantik və incə abu-hava qatıb.
Fərqli dekorasiya və stil ilə hazırlanan şəkillərdə müğənni həm zərif, həm də güclü qadın obrazını nümayiş etdirib. Xatun Əliyevanın bu fotosessiyası qadın gözəlliyini, baharın təravətini və qadınların cəmiyyətdəki dəyərini simvolizə edir.
Sənətçi bildirib ki, layihə ilə bütün qadınlara bayram təbrikini çatdırmaq və onların həyatdakı əvəzsiz rolunu vurğulamaq istəyib.
