Müğənni Xatirə İslam son günlər anonsları ilə maraq doğuran yeni layihəsini nəhayət ki, dinləyicilərinin ixtiyarına verib. Sənətçinin “Biri Mənəm Biri Sənsən” adlı yeni mahnısına çəkilən klip artıq işıq üzü görüb.
Bir neçə gündür kadrarxası görüntülər və mahnıdan qısa hissələr paylaşaraq izləyicilərində maraq yaradan Xatirə bu dəfə ekran işinin tam versiyasını təqdim edib. Klipdə müğənni fərqli obrazları, zərif üslubu və diqqətçəkən vizual həlli ilə seçilir.
Mahnının sözləri və musiqisi Fərid Kərimliyə, ekran işinin rejissorluğu isə Bəxti Babaya məxsusdur.
