"Tunar arvaddır ki?" Nüşabə əsəbləşdi

“Tunar arvaddır ki, onun paxıllığını çəkim? Narazılıq İbrahimə olub. Ona görə bu millət yazıqdır ki, bildiyini də, bilmədiyini də deyir. Bəs beyin, baş nə üçündür? İşlədin də bir az. Belədə ki, kiminsə gözündən düşdüm və ya düşmədim vecimə deyil. Əsas Allahdır, o hər şeyi görür”. Axşam.az-ın məlumatına görə, bu sözləri əməkdar artist Nüşabə Ələsgərli müğənni Tunar Rəhmanoğlu ilə aralarında baş verən qalmaqala münasibət bildirərkən deyib. Müğənni oğlunun kiçik toyundan yayılan videodan danışıb. O, özünü təqsirli bilmədiyini söyləyib: “İstəmirdim bu haqda nəsə yazım. Bu toy 2007-ci ildə olub. 2011-də də Tunarın “Yollar” mahnısını oxumuşam. Özünün də, ailəsinin də xətrini çox istəmişəm, istəyirəm də. Amma bu video 11 il sonra ortaya çıxıb. Nə məqsədlə görəsən? Yəqin, məni “çox sevənlərin” işidir. Tunar qadın müğənnidir ki, onun paxıllığını çəkim? Orada söhbət İbrahimdən gedir. Onun qulağına söz deyən də öz meneceridir. Bizim məclisdə ən gözəl ifaçılarımız oxuyub. Tunarın burada heç bir mövzusu yoxdur. Bilən də, bilməyən də ağzına gələni yazır. Çox təəssüf edirəm bizim millətin bəzilərinə”.