Müğənni Xatirə İslam və həyat yoldaşı Fəxrəddin Musazadə koronavirusa yoluxub.
“Qafqazinfo”nun əldə etdiyi məlumata görə, cütlükdə bir müddət əvvəl “COVID-19” aşkarlanıb.
Hər iki şəxs bir neçə gün ev şəraitində müalicə alsa da, daha sonra F. Musazadənin vəziyyəti ağırlaşıb. O, gecə saatlarında Bakı Sağlamlıq Mərkəzinə yerləşdirilib.
X. İslam da həyat yoldaşının yanında olmaq, onu diqqətdə saxlamaq üçün xəstəxanaya aparılıb. Sənətçinin vəziyyətinin normal olduğu bildirilir.
Məlumatı müğənninin yaxınları “Qafqazinfo”ya təsdiqləyib.
