“Qardaşım oğlunu birdəfəlik sildim” Mələkxanım Eyyubova DANIŞDI

Xəbər verdiyimiz kimi, xalq artisti Mələkxanım Eyyubovanın qardaşı oğlu Valeh İsrafilovun məlum videosu yayılan 3 qızı Cahid adlı şəxslə tanış etdiyi bildirilir. Lakin bu xəbərlərdə sevilən xanəndə, həmişə sənəti, yaradıcılığı ilə göz önündə olan sənətkar, xalq artisti Mələkxanım Eyyubovanın adının hallanması xanəndənin narazıçılığına səbəb olub. Bu haqda Xəbərçi.az -da xanəndə ağlayaraq dərdini bölüşüb və artıq qardaşı oğlanlarının əməllərindən bezdiyini, belə biabırçı halların onun adına ləkə gətirdiyini söyləyib: "38 ildir xalqıma xidmət edirəm. Bu neçə ildə ailəm, övladlarım, sənətim haqda nəsə məni bir fikir çıxıb? Yox. Bacımın, qardaşımın balalarına həmişə əl tutdum, onları oxutdurdum, əllərini çörəyə çatdırdım. Qarşılığında onlar nə ediblər? Heç nə. Heç ummuram da. Bacımın, qardaşımın övladları ilə illərdir əlaqəm yoxdur. Mən onları bundan əvvəl də silmişdim, indi isə birdəfəlik sildim".