Yetkinlik yaşına çatmayan qadınları fahişəliyə cəlb etdiyinə görə həbs edilən “İntuş” ləqəbli məşhur stilist İntizam Yusifov azadlığa çıxıb.
Lent.az-ın əldə etdiyi məlumata görə, bir müddət öncə azadlığa çıxan azərbaycanlı imic ustası bu xəbəri mediadan gizli saxlayıb. Yenidən peşəsini davam etdirən stilist sosial şəbəkədəki səhifələrində də yeni görüntülərini paylaşır.
O paylaşımın birində bu sözləri yazıb: “Allahım sənə çox şükür. Həyatımda yeni səhifə aşıram. Artıq bu gündən keçmişdəki İntuş olmayacam. Çünki hər kəsi tanıdım. Özümə yeni ələk almışam. bir-bir ələmək vaxtıdır”.
Qeyd edək ki, “İntuş” ləqəbli məşhur stilist İntizam Yusifov 2018-ci ildə Daxili İşlər Nazirliyinin İnsan Alverinə Qarşı Mübarizə Baş İdarəsi tərəfindən saxlanılıb, 4 il azadlıqdan məhrum edilmişdi.
