"İndi qadınların 90 faizi kökdür. Əvvəl paltarı, qabları əllə yuyurdular, evləri süpürür, şirə çəkirdilər. İndi Azərbaycanın ən ucqar kəndindəki evdə qab, paltaryuyan maşın, tozsoran var".
Bu sözləri aparıcı Elgiz Əkbər "Elgizlə izlə" proqramında deyib. O, qadınların artıq çəki almasından bəhs edib:
"Ona görə də qadınlar kökəlirlər. Ər də onları buraxır. Gəlirlər bizim verilişə ki, kişi qaçdı. Kişinin kök olmasında problem yoxdur, onu bağışlamaq olar. Önəmli olan qadının kökəlməməsidir".
Proqramda qonaq olan Əməkdar artist Gövhər Rzayeva isə "Qaçan kişi onsuz qaçacaq" deyərək, ona etiraz edib.
