Müğənni Vəfa Şərifova da Azərbaycanla Rusiya arasındakı avireyslər dayandırıldığı üçün ölkəyə qayıda bilməyib.
O, bu barədə instaqramda video paylaşıb. Vəfa deyib ki, hazırda Moskvadadır:
“Çətinliklə də olsa, bura çatdıq. Rusiyada tək ölkə xarici deyil, həm də daxili uçuşlar da ləğv olunur, ya da tarixi dəyişdirilir. Aeroportlarda qalmışıq. Çox çətindir. İnşallah tezliklə düzələr”.
Azərbaycandan Rusiyaya uçuşların dayandırılması müğənni Türkan Vəlizadəyə də təsir göstərib.
İfaçı özü bu barədə OLAY-a açıqlama verib. O deyib ki, bu ayın 19-dan 21-nə qədər Moskvada olmalı imiş.
