Əməkdar artist Mətanət İsgəndərli oğlu Kərimin ikinci dəfə ailə həyatı qurmasından danışıb.
Müğənni “Maqazin plus” verilişinə müsahibəsində gəlini haqda bunları deyib:
“Alın yazısına, qismətə inanıram. Bu həyatı imtahan kimi görürəm. Allah bizi bundan betər imtahana çəkməsin. İnsan alnına yazılan taleyi yaşamalıdır. Deyirəm ki, şükür, Allah bizi bundan çətin imtahana çəkməsin. Kərim ikinci dəfə ailə həyatı qurdu. Əsas xoşbəxt olsun. Mən də, o da razıdır. Oğlumun xoşbəxtliyi mənim xoşbəxtliyimdir".
Qeyd edək ki, M.İsgəndərlinin oğlu Kərim keçmiş həyat yoldaşı Canana ilə qalmaqallı şəkildə ayrılıb. Cütlüyün 3 övladı hazırda atası ilə yaşayır. Kərim Aysel adlı xanımla ailə qurub və yenidən ata olmağa hazırlaşır.
