Aparıcı Zaur Kamal öz proqramında müğənni Şəbnəm Tovuzlunun qızı Günel və kürəkəninin fotosunu nümayiş etdirməsi sənətçinin ürəyincə olmayıb.
Axşam.az xəbər verir ki, aparıcının onun telefonunu götürərək şəkli kameraya göstərməsi Şəbnəmin xoşuna gəlməyib. Bu barədə o, "Zaurla Günaydın" proqramında danışıb:
"Qəfildən, heç istəmədən oldu. Reklam arasında dedi ki, ver onların şəklinə baxım. Efir başlayan kimi, nümayiş etdirdi. Heç sevmədim".
Qeyd edək ki, Şəbnəmin qızının bu yaxınlarda "hə" mərasimi olub. İfaçı toyun bu ilin sonuna kimi olacağını söyləyib.
