Ana səhifə Siyasət Sosial Kriminal Şou 18+ Astrologiya Hadisə İdman Dünya Maraqlı Videolar

Şuşada Novruz tonqalı qalandı

Şuşada Novruz tonqalı qalandı

Bu gün Şuşa bir başqadır. Bir vaxtlar işğal altında olan cənnət guşəmizdə indi təntənəli şəkildə Novruz bayramı qeyd olunur.

“Qafqazinfo”nun məlumatına görə, Novruz şənliyinin ünvanı Azərbaycan ərazilərində faydalı qazıntı yataqlarının qanunsuz istismarının dayandırılması tələbilə aksiya keçirilən ərazidir.

Sözügedən ərazidə aksiya iştirakçıları üçün bayram tonqalı qalanıb, səhnə qurulub. Aksiya iştirakçıları DJ Kənanın müşayiəti ilə tonqal ətrafında yallı gedirlər, rəqs edirlər.

Qeyd edək ki, sabah da aksiya iştirakçıları üçün Novruz şənliyi davam etdiriləcək. Bayram münasibətilə təşkil olunacaq konsert proqramında Xalq artisti Röya Ayxan, müğənnilər Hiss, Nuri Sərinləndirici çıxış edəcəklər. Həmçinin bayram aşları açılacaq.

Tədbirdən hazırladığımız fotossesiyanı təqdim edirik:

Emin Səfərov

Fotolar: Pərvin Zeynal