Müharibədən qayıdan kikboks üzrə çempionumuzun KİTABLARINI ALAQ

Bu gün "Tarqovı"da igid qardaşımızla tanış oldum.    Fotodakı şəxs Kamran Orucovdur. O Vətən müharibəsi iştirakçısıdır, Füzuli və Xocavənd döyüşlərində iştirak edib. Kamran həm də kikboks üzrə çempiondur.    O "Tarqovı"da səyyar kitab satışı ilə məşğuldur. Kukla teatrından Nizami küçəsinə keçən yerdə kitablarını satır. Yolunuz düşsə, igidimizə təşəkkür edin və imkan daxilində bəyəndiyiniz kitabı alın, kitabı olanlar satış üçün kitabları hədiyyə də edə bilər.   Kamran həm igid döyüşçü, həm uğurlu idmançı, həm də insanları maarifləndirən ziyalıdır.