“Bu vaksinlər yeni yaradılıb. Lakin daha əvvəlki təcrübələrə əsasən deyə bilərik ki, vaksin sonsuzluq yaratmır”.
SHOWNEWS.AZ xəbər verir ki, bu barədə TƏBİB-in İnfeksion xəstəliklər üzrə işçi qrupunun həkim-infeksionisti Nəzrin Mustafayeva TƏBİB-in feysbuk səhifəsində canlı yayımda bildirib.
N.Mustafayeva bildirib ki, hazırda dünyada onlarla vaksin tətbiq edilir:
“Bu vaksinlər başqa xəstəliklərə qarşı da istifadə edilir. Onlar haqqında artıq kifayət qədər məlumat var. Bu məlumatların heç birində sonsuzluq yaradılmasına dair faktlar müəyyən edilməyib”.
