ATV televiziyasında yayımlanan "Bizimləsən” verilişində dəhşətli faktların üstü açılıb.
Ata 15 yaşlı qızını 33 yaşlı kişiyə ərə verib.
"Bizimləsən” verilişinin komandası qızı qaçıran oğlanın evinə yollanıb, qapını qızın atası açıb. Müxbir atanın 15 yaşlı qızını 33 yaşlı birinə ərə verməsi ilə bağlı sual ünvanlayıb.
Ata isə iddiaları qəbul etməyib. O, 4 yaşlı qızına təcavüz edilməsi iddiasına isə belə reaksiya verib: "Şirin uşaqdır deyə hər kəs onu öpür, qucaqlayır, ona görə də bədəni göyərib”.
15 yaşlı qızının qaçdığı kürəkəninin evində yaşayan ata kürəkəninin 18 yaşı olduğunu söyləyib. Lakin müxbir evə daxil olaraq kürəkənlə danışıb və ondan şəxsiyyət vəsiqəsini tələb edib. Məlum olub ki, kişinin 33, qızın isə 15 yaşı var.
Qızı qaçıran kişi şəxsiyyət vəsiqəsində qızın yaşının doğru qeyd edilmədiyini, qızın 18 yaşı olduğunu iddia edib.
Polis əməkdaşları hadisə baş verən əraziyə yollanıb. Məlum olub ki, 4 yaşlı qızın atası ona qarşı zorakı hərəkətlər etməklə tibbi ağrı və psixi izdirablar verib. Eyni zamanda kişi öz həyat yoldaşını yandırdığına görə onun barəsində cinayət işi açılıb.
15 yaşlı qızla cinsi əlaqəyə girdiyinə görə isə, 33 yaşlı kişiyə cinayət işi açılıb.
