"Xırdalanda olacaq partlayışı öncədən bilirdim. Hətta bu haqda iyulun 11-i, 24 gün öncə proqnoz vermişdim. Mənə öncədən əyan olur. Bunu izah etmək çox çətindir. Bir kadr kimi gözümün önündə canlanır. Yaşanacaq dəhşəti, ağrını bir anlıq öz üzərimdə hiss edirəm. Özümü ölüm-dirim arasında hiss edirəm. Çox heyif ki, gördüyüm dəhşətlərin çoxunun qarşısını ala bilmirəm".
Bu açıqlamanı ölkənin əsas ekstrasensi Fərid Zamanlı edib. O, əlavə edib ki, təbii hadisələrin, fəlakətlərin qarşısını almaqda çarəsiz olsa da, insanların həyatına yardımçı olduqda özünü xoşbəxt hiss edir:
"Təəssüf ki, hər kəs başqasının xoşbəxtliyini, sevincini həzm edə bilmir. Buna görə də, qara qüvvələrdən istifadə edib, həmin xoşbəxtliyi bədbəxtliyə çevirməyə çalışırlar. Cadu edirlər. Həmin insanların cadusunu təmizləyib, xoşbəxtliyi yenidən onlara bəxş edəndə xoşbəxt oluram. Ağ qüvvə ilə işləyirəm. Hətta bunu gözü götürməyən ekstrasenslər də var. Bu ayrı mövzudur. Amma bircə onu deyə bilərəm ki, məni fərqləndirən cəhətim bəzi ekstrasenslər kimi hadisə baş verəndən sonra çıxım danışmıram. Mən hadisə baş verməzdən öncə tarixlə hər şeyi deyirəm və sübut edirəm".
