Laçından olan şəhid İsgəndərov Qorxmaz İsgəndər oğlu ilə Ağcabədi rayonunun Taxtakörpü qəsəbəsində vida mərasimi keçirilib.
Trend xəbər verir ki, mərasimdə icra başçısı və nümayəndələri, hüquq mühafizə orqanları və rayon içtimaiyyəti iştirak edib. Daha sonra həmin ərazidə salınmış məzarlıqda dəfn olunub.
Qeyd edək ki, Qorxmaz İsgəndərov Laçın rayon Sadınlı kənd sakinidir. Atası İsgəndər İsgəndərov isə Laçın rayon icra hakimiyyəti başçısının Sadınlı kəndi üzrə ərazi nümayəndəsi vəzifəsində çalışır.
Şəhid Q.İsgəndərov dövlət sərhəddinin Kəlbəcər rayon ərazisində Ermənistan ordusunun törətdiyi təxribatın qarşısını alarkən şəhid olub.
