Sosial şəbəkələrdə 2 Azərbaycan hərbçisinin erməni yaraqlıları tərəfindən əsir götürülməsi ilə bağlı yeni video yayılıb.
SHOWNEWS.AZ xəbər verir ki, videoda Azərbaycan əsgəri “Atəşkəs!” desə də, erməni yaraqlıları onlara fiziki şiddət göstərməyə davam edirlər.
Video sosial şəbəkədə yayılandan sonra məlum olub ki, bu müharibə davam edən ərəfədə lentə alınıb. Hətta həmin əsirlərdən biri artıq Bakıda ailəsinin yanındadır.
Belə ki, erməni şərəfsizlərin bu gün videosunu yaydıqları hərbi qulluqçularımızdan biri Nurlan Əlizadədir. O bir neçə gün öncə Bakıya gətirilən əsirlərdən biridir. Məlum videonun da 11 noyabrda çəkildiyi iddia olunur. Yəni, video yeni deyil.
Şükür Allaha ki, qardaşımız sağ-salamatdır. Digər hərbçimiz haqda isə hələlik məlumat yoxdur.
