Ermənistan idmançıları Bakıda keçiriləcək atıcılıq üzrə dünya çempionatında iştirak edəcəklər.
Bu barədə Ermənistan Atıcılıq Federasiyasının baş katibi Areq Sarıbekyan "Sputnik Ermənistan"a məlumat verib.
O bildirib ki, Bakıdakı yarış Paris-2024 Yay Olimpiya Oyunlarına lisenziya xarakteri daşıdığı üçün iştirak etməyə qərar veriblər.
A.Sarıbekyan Ermənistan milli komandasının Azərbaycana gələcək heyətini isə açıqlamayıb.
Qeyd edək ki, dünya çempionatı avqustun 14-dən sentyabrın 3-dək keçiriləcək.
