Kolumbiyanın Timbiki şəhərindəki 36 məktəbli ruhları çağırma oyunundan sonra qıc olma və görmə qabiliyyətinin müvəqqəti itkisi ilə xəstəxanaya yerləşdirilib.
Bəzi uşaqlar isə seansdan sonra huşunu itirib.
Təhsil müəssisəsi rəhbərliyi uşaqların üzərinə müqəddəs su səpməli olub.
“Məktəbli qızlardan birinə müqəddəs su dəydikdə çox qeyri-adi hadisə baş verdi. O müqavimət göstərməyə başladı. Sonra başqa bir şagird ilə də eyni hal yaşandı. Baş verənləri heç nə ilə izah etmək mümkün deyil”, - deyə məktəbin direktoru Emilio Balanta bildirib.
Məlumata görə, bütün zərərçəkənlər artıq sağalıb.
Mümkün versiyalardan birinə görə, məktəblilər şəbəkədə tapdıqları yeni trendin qurbanı olublar.
