![Bu ölkədə 5 Azərbaycan vətəndaşı həbs olundu - Məmura sui-qəsd planı Bu ölkədə 5 Azərbaycan vətəndaşı həbs olundu - Məmura sui-qəsd planı](https://img.shownews.az/news/2024/03/photo_14473.jpg)
Qırğızıstanda dövlət xadiminə qarşı cinayət planlaşdırmaqda şübhəli bilinən Azərbaycan vətəndaşları həbs edilib.
“Sputnik Qırğızıstan” xəbər verir ki, Qırğızıstanın Milli Təhlükəsizlik Komitəsi cinayətkar qruplaşmanın üzvü olmaqda şübhəli bilinən 5 Azərbaycan vətəndaşının saxlanılması ilə bağlı məlumat yayıb.
Bildirilib ki, Əliyev V.M., Bağırov S.A., Əsgərov M.O., Behbudrov M.S., Məmmədov Z.İ. yüksəkvəzifəli şəxsə qarşı cinayətə hazırlaşırmış. Onlardan Əsgərov M.O.-nun kriminal aləmdə tanınmış şəxs olması və Qırğızıstan dövlətinin cinayətkarlığa qarşı apardığı fəal mübarizə siyasətinə görə ölkə rəhbərliyinə sui-qəsd təşkil etmək məqsədilə Qırğızıstana gəlməsi iddia edilib.
Hazırda əməliyyat-istintaq tədbirləri davam etdirilir.
![](https://qafqazinfo.az/uploads/1711210551/masin1.jpeg)