İranın Səhiyyə naziri Səid Nəməki mutant virusun demək olar ki, bütün ölkəyə yayıldığını bildirərək vətəndaşları tədbirlərə ciddi şəkildə əməl etməyə çağırıb.
SHOWNEWS.AZ xəbər verir ki, koronavirusla mübarizədə ölkəni çətin günlərin gözlədiyini deyən Nəməki paytaxt Tehranda 71 yaşlı qadının və 48 yaşlı kişinin koronavirusun yeni ştammı səbəbilə Qəzvin əyalətində həyatını itirdiyini bildirib.
"Hadisələr mutant virusun az qala bütün ölkəyə yayıldığını sübut etdi. Bu virusun hər şəhərdə, kənddə və ailədə ortaya çıxa biləcəyini düşünməliyik. Bu, ciddi təhlükə siqnallarından biridir", - İranın Səhiyyə naziri qeyd edib.
İranda mutasiyaya uğrayan və daha sürətli yayılan COVID-19 növünün ilk dəfə 5 yanvarda aşkarlandığı açıqlanıb.
