Rusiyada qətl və insan oğurluğunda ittiham olunan biznesmen Telman İsmayılov Monteneqroda sığınacaq almasına səbəb Sürix prokurorluğunun onun barəsində çirkli pulların yuyulması ilə bağlı işi bağlaması olub.
Rusiyalı vəkil Marina Rusakovanın sözlərinə görə, Telman İsmayılova həmçinin 15 min isveçrə frankı təzminat ödənilib.
Rusiya İstintaq Komitəsinin sədri Aleksandr Bastrıkin isə öz növbəsində Telman İsmayılova sığınacaq verilməsinin səbəblərinin araşdırılmasına başlanıldığını qeyd edib.
O, bununla bağlı Beynəlxalq Hüquq İdarəsi ilə Rusiya XİN-ə müvafiq göstəriş verildiyini bildirib.
